पुस ११गते :राष्ट्रिय स्वतन्त्र पार्टीका अध्यक्ष एवं सांसद रवि लामिछाने उपप्रधानमन्त्रीसहित गृहमन्त्री बनेका छन् । सोमबार राष्ट्रपति विद्यादेवी भण्डारीले उपप्रधानमन्त्रीसहित गृहमन्त्रीमा नवनियुक्त भएका लामिछानेसहित दुई उपप्रधानमन्त्रीलाई सपथ ग्रहण गराएकी हुन् ।

नेकपा माओवादी केन्द्रका नारायणकाजी श्रेष्ठ उपप्रधानसहित भौतिक तथा पूर्वाधार मन्त्री बनेका छन् भने एमालेका विष्णु पौडेल उपप्रधानमन्त्रीसहित अर्थमन्त्री बनेका छन् ।

यसअघि माओवादीका वरिष्ठ उपाध्यक्षसमेत रहेका श्रेष्ठले पनि गृहमा दाबी गरेका थिए । तर, पछि गृह त्यागेर परराष्ट्र मन्त्रालयमा जाने तयारी भए पनि मन्त्रालय हेरफेर गरिएको थियो ।