काठमाडौं । चितवनमा पत्रकारमाथि आक्रमण भएको घटनामा संलग्न भएको आरोपमा एक जना पक्राउ परेका छन् । पक्राउ पर्नेमा भरतपुरकै दीपक सेडाईं रहेका छन् ।

उनलाई बिहीबार राति नियन्त्रणमा लिइएको जिल्ला प्रहरी कार्यालय चितवनले बताएको छ। उनी राष्ट्रिय स्वतन्त्र पार्टी (रास्वपा) निकट रहेका बताइएको छ ।

सहकारीको रकम ठगी प्रकरणमा बयानका लागि रास्वपाका सभापति तथा पूर्वगृहमन्त्री रवि लामिछानेलाई १८ मंसिरका चितवन लगिएको थियो ।

सो क्रममा चितवनमा उनका समर्थकहरुले प्रदर्शन गरेका थिए । त्यतिबेला रिपोर्टिङमा खटिएका पत्रकार सन्तोष देउजामाथि आक्रमण भएको थियो । देउजा कपुरबोट मिडियाका सञ्चालक समेत हुन् ।

घटनामा संलग्न अन्य व्यक्तिको पनि खोजी जारी रहेको जिल्ला प्रहरी कार्यलय चितवनले बताएको छ ।